Лютеций
Лютеций (лат. Lutetium, Lu) – Д.И.Менделеев мезгилдик системасы 6-мезгилинин IIIВ группа элементи. К.н. 71, ат. м. 174,97. Л. массалык сандары 151Lu, 153Lu, - 156Lu, 162Lu, 154Lu - 180Lu болгон 23 изотобу белгилүү, алардын ичинен массалык саны 175Lu жана 176Lu болгон эки изотобу жаратылышта табылган, 176Lu изотобу радиоактивдүү болуп саналат. Л. жер кыртышында таралышы 1×10-4 % барабар. 1907-ж. фр. химиги Жорж Урбен Л. анын Lu2O3 түрүндө ачкан. Л. - күмүштөй ак металл ; балкып эрүү темп-расы 16520С ; кайноо темп-расы 33270С ; бирикмелеринде окистенүү даражасы +3. Л. лантаноиддер ичинен эң оор металл. Л. хромго кошкондо хром касиети кескин өзгөргөндүгү белгилүү. Л. күчтүү калыбына келтиргич зат.
Колдонулган адабияттар
- Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6