Магний сульфаты

Магний сульфаты, MgSO₄ – түссүз кристалл, 1010оС чейин кристаллдык торчосу ромб түрүндөгү, тыгызд. 2,66 г/см³ a-формасы, 1010-1137оС b- формасы туруктуу, сууда эрийт. Каныккан эритмесинин кайноо t (75 г MgSO₄ 100 г сууда) 108оС, 1-7 жана 12 мол. суу менен кристаллогидраттарды пайда кылат. Бөлмө темп-расында суу эритмесинен гептагидрат MgSO₄·7Н₂О кристаллдашат, 48оС жогору гексагидрат, 67,50С жогору моногидрат кристаллдашат. 320-330оС гидраттар суусун толугу менен жоготот. Суусуз MgSO₄ 1100-1200оС MgO жана SO₂ ажырайт.

Жаратылышта М. с. деңиз суусунун курамында эпсомит минералдары гексагидрат түрүндө кездешет. М. с. щелочтуу металлдын кээ бир туздары менен кош туздарды пайда кылат, алардын кээ бирлери жаратылышта кездешет. Мис., каинит КСl.MgSO₄·3H₂O, астраханит Na₂SO₄·хМgSO₄·4H₂O, полигалит К₂SO₄·MgSO₄·2CaSO₄·х2H₂O, лангбейнит 2MgSO₄·K₂SO₄ жана башка М. с. - деңиз сууларынан жана катуу туз чөкмөлөрүнөн алынат. Ал SO₂, магнезия цементин алууда, текстиль жана кагаз ө. ж -да, айыл чарбада, медицинада колдонулат.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6