Башбаракты ачуу

Мажбурлоо эмгеги – кайсыбир жактан, ал өз кызматын ыктыярдуу сунуштабаганда, кандайдырбир жазалоо коркунучу алдында талап кылынган баардык иш жана кызмат. 1966-жылкы Жарандык жана саясий укуктардын Эларалык пактынын 8-статьясынын 3-пунктуна ылайык эчким М. э-не (милдеттүү эмгекке) мажбурмаланбоосу тийиш. Ошол эле учурда төмөнкүлөр М. э-не кирбейт: а) соттун өкүмү боюнча жазалоо катары аткарылып жаткан оор кара жумуштар, ошондой эле соттун өкүмү боюнча камакта отурган адам, же андай камактан шарттуу бошотулган адам аткаруусу тийиш болгон кандай гана болбосун жумуштар жана кызматтар; б) кандай гана болбосун аскердик мүнөздөгү кызматтар, ал эми аскердик кызматтан саясий жана диний-этностук жүйөлөр боюнча баш тартуу таанылган өлкөлөрдө, ошондой жүйөлөр боюнча аскердик кызматтан баш тарткандар үчүн мыйзамда каралган кандай гана болбосун кызматтар; в) жарандардын бейпилдигине жана өмүрүнө коркунуч келген же кыйроолордун учурундагы кандай гана болбосун кызматтар; г) демейки жарандык милдетттерге кирген кандай гана болбосун жумуштар жана кызматтар. КР Конституциялык мыйзамдарында жарандарды согуш, табигый кырсыктардын, эпидемиянын же башка өзгөчө кырдаалдардын кесепеттерин жоюудан, ошондой эле соттун өкүмүн аткаруудан башка учурларда мажбурлоо эмгектерине тартууга тыюу салынган.

Колдонулган адабияттарОңдоо