Мамажанов Шайдулла
Мамажанов Шайдулла (1948-2009) - жазуучу, журналист. Сузак районунун Жийде айылында 1948-жылы 22-сентябрда туулган. 1966-жылы №4 Бек-Абад орто мектебин аяктап, 1971-жылы Ош мамлекекттик институтунун орус тили жана адабияты филологиясы факультетин бүтүргөн.
Эмгек жолун 1971-жылы №21 Ж.Турусбеков атындагы орто мектебинде окутуучу болуп иштөөдөн баштаган.
1977-жылы Сузак райондук «Пахтачы» гезитинде бөлүм башчы, жооптуу катчы, партиялык, советтик органдарда, 1991-жылдан Жалал-Абад облустук Кеңешинде, облустук мамлекеттик администрацияда социалдык бөлүмдүн башчысы, 1992-жылдан педагогикалык окуу жайдын директору болуп иштеген.
1995-жылы Сузак районундагы Атабеков айылдык Кеңешинин төрагалыгына шайланган. Кийин республикалык «Эркин эл адабияты» гезитинин башкы редакторунун биринчи орун басары, 1999-жылдан Борбор Азиялык «Азия нуру» гезитинин башкы редактору болуп иштеген.
Ал 1999-жылы «Хадистер» аттуу китепти түзүп басмадан чыгарган.
Кыргыз Республикасынын Өкмөтү, «Сорос-Кыргызстан» фонду, Кыргыз Республикасынын Журналисттер союзу, Кыргызстан Аялдар конгресси жана Кыргыз Республикасынын Саламаттыкты сактоо министрлиги тарабынан уюштурулган журналисттик сынактардын жеңүүчүсү болгон.
Кыргыз Республикасынын жазуучулар союзунун, Жалал-Абад облустук мамадминистрациясынын Ардак грамоталары, эл аралык «Түгөлбай Ата» коомунун адабий сыйлыгы менен сыйланган.
1981-жылдан Кыргызстан Журналисттер союзунун, 1999-жылдан Кыргыз Республикасынын Жазуучулар союзунун мүчөсү болгон.
Жарык көргөн китептери
түзөтүүКыргыз тилинде
түзөтүүМусулмандыктын негиздери. – 1997.
Мухаммед пайгамбар баяны. – 1998.
Ислам нуру. – 2008.
Колдонулган адабияттар
түзөтүү- *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6