Маморе

Маморе (жогорку агымында – Рио-Гранде) – негизинен Боливия жана анын Бразилия менен чек арасы аркылуу аккан дарыя. Бени дарыясы менен кошулуп, Мадейраны түзөт. Узундугу 2300 км, алабынын аянты 620 миң км². Борбордук Анд тоолорунун чыгыш кырка тоолорунан башталып, Боливиянын саванналуу жана саванна-токойлуу түздүгү боюнча агат; төмөнкү агымы босоголуу. орточо чыгымы 8100 м³/сек. Чакан кемелер жүрөт.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7