Маррамбиджи
Маррамбиджи – Австралиянын түштүк-чыгышындагы дарыя, Муррейдин оң куймасы. Узундугу 2172 км, алабынын аянты 184 миң км2. Австралия Альп тоолорунун түндүк тармактарынын башталып, түздүк аркылуу агат. Башкы куймасы – Лаклан (оң). Мурда суу тез-тез ташкындап тургандыктан, баш жагында Барринжак суу сактагыч жана ГЭС курулган. орточо чыгымы Балраналд шаары тушта 34,5 (эң чоңу 299 м2/сек. Сугатка кеңири пайдаланылат. 1852-жылы кыйраткыч ташкын болуп, Галедагай шаарчасын толугу менен жууп (калкынын 1/3и кырылып калган) кеткен. Жаан-чачындуу мезгилде чатынан Уогта-Уогта шаарына чейин кеме жүрөт, кургакчылык убакта кээде соолуп калат. Аны австриялык аборигендердин тилинен которгондо «чоң суу» дегенди түшүндүрөт.
Колдонулган адабияттар
түзөтүү- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7