Мезонефрос

Мезонефрос (адепки бөйрөк) - сийдик бөлүп чыгаруучу жуптуу орган. Көптөгөн ийри-буйру каналчалардан турат, ар бир каналчанын бир учунда өсүндү – мальпиги бүртүкчөлөрү, экинчи учу вольф каналына ачылат. Тегерек ооздуулар, балыктар жана жерде-сууда жашоочуларда М. өмүрү бою сакталат, амниоттордо - түйүлдүктүн өрчүшүнүн алгачкы стадияларында гана болот, андан кийин метанефроско алмашат. Амниоттордун (сойлоктор, канаттуулар, сүт эмүүчүлөр) эркектеринде М. бөлүгүнүн көбү урук кыпчыкейине айланып вольф каналы менен бирге урук өткөргүч каналга айланат. Ургаачыларында М. редукцияланылат (жоголот).

Колдонулган адабияттар

• Биология: Энциклопедиялык окуу куралы/Мамлекеттик тил жана энциклопедия борбору. -Б.:2004, ISBN 9967-14-002-4