Минерал

Минерал — жер кыртышында жүрүүчү ар кандай физ.-хим. процесстер натыйжасында пайда болуучу, курамы боюнча бир тектүү, касиеттери бири бирине окшош табигый химимялык бирикмелер. Физ.-хим. жактан өзгөчөлөнгөн жер кыртышынын курамдык бөлүгү. Тоотектери жана кендер минералдан турат. Жер кыртышында 3000 жакын минералдын түрү белгилүү. Эң көп таралгандары силикаттар (жалпы массага карата 25 %), фосфаттар жана алардын аналогдору (18 % жакын), сульфиттер жана алардын аналогдору (13 % жакын), оксиддер жана гидроксиддер (12,5 % жакын) минералдар метеориттер курамына кирет, айдын, марстын сырткы таштуу катмарын түзөт.

Булактар

Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6