Нара

Нара ― Жапониядагы музей-шаар. Жапониянын 710–84-жылдардагы алгачкы борбору. Хонсю аралында жайгашкан. Нара префектурасынын административдик борбору. Калкы 365,2 миң (2010). Станок куруу, электр-техникалык, жыгаччылык, трикотаж өнөр жай ишканалары өнүккөн. Көркөм буюмдар жана оюнчук чыгарылат. Университет, музейлер (чыгыш элдеринин мадабияты, Ямато бунканан, улуттук, сүрөт) бар. Якусидзи, Кофукудзи кечилканалары (экөө тең 7–8-кылымдынбашы), Тодайдзи, Тосёдайдзи, Син-Якусидзи (баары 8-кылым) сепилдери будда айкелдери менен, Сёсо-ин сактоочу жайы (императорлордун баалуу буюмдары) сакталган. Туризмдин борбору. Н-нын тарыхый эстеликтери Бүткүл дүйнөлүк мурастын тизмесине киргизилген.

Булактар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7