Натуралдык катар

Натуралдык катар – өсүү тартибинде жайгашкан бүтүн оң сандардын 1, 2, 3, 4, 5, ... удаалаштыгы. Натуралдык катардагы эң кичине натуралдык сан – бир. Математикада натуралдык катардын чексиз экендиги далилденген. Натуралдык катарда анын ар бир мүчөсү мурунку мүчөсүнөн бирге чоң. Натуралдык катардын ар кандай мүчөсү натуралдык сан деп аталат, к. Сан.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7