Неаполь опера мектеби

Неаполь опера мектеби – Неаполдо 17-кылымдын аягында пайда болгон композитордук жана аткаруучулук мектеп. Анда опера-серианын (А. Скарлатти жана башка) жана опера-буффанын (Ж. Перголези жана башка), жогорку вокалдык ыкма – белькантону өнүктүргөн түрлөрү калыптанган. 18-кылымдын 2-жарымында Неаполь опера мектебинин композиторлорунун чыгармачылыгында опера-буффа негизги орунду ээлеген.