Никобар аралдары

Никобар аралдары — Инди океанынын түндүгүндөгү 19 аралдан турган аралдардын тобу Индиянын Андаман жана Никобар бириктеш аймагынын түштүк бөлүгүндө, Бенгал булуңу менен Андаман деңизинин аралыгында.

Аянты 1,6 миң км². Ири аралдары ― суу астындагы тоо кыркалардын чокулары (бийиктиги 642 м), чакандары ― кораллдар. Дайыма жашыл тропик токою, өскүлөң чөптүү шалбаа ээлейт. Кокос пальмасынын плантациялары бар. Балык, трепанг кармалат. Үлүл чогултулат.

Булактар

«Кыргызстан» улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7