Норит

Норит (норвегче Norge – Норвегия) – габбро тобуна кирүүчү негиздүү тоо тек. Курамы ромбдуу пироксен (бронзит, кээде энстатит, гиперстен) жана негиздүү плагиоклаз (лабрадор) минералдарынан турат. 45–55%и SiO2, 10–20%и Mg, Ca, 2%ин жегичтер түзөт. Курамында кошунду кенташ минералдары (магнетит, титан-магнетит, сульфиддер жана башка) кездешет. Норит курулуш материалы болуп эсептелет.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7