Нуртелеком

Нуртелеком "О!" соода маркасы – Кыргызстандагы уюлдук байланышты уюштурган ири компания. 2009-жылы уюшулган. Нуртелекомдун өлкө боюнча млндон ашык кардары жана көптөгөн байланыш түйүндөрү бар. Өлкөнүн дээрлик бардык булуң-бурчунда байланышты уюштурат. Заманбап уюлдук байланыштын эң алдынкы технологияларын колдонот. Уюлдук аппараттары аркылуу кардарларына учурдагы ар түрдүү технологиялык жаңылыктарды (смс, интернет, вап, ммс жана башка) тартуулап кызмат көрсөтөт. Кардарларды жеке (бирдик жүктөө аркылуу) жанакорпаративдик түрдө тейлейт. Нуртелеком Кыргызстандагы алдынкы ишканалардын бири. Түрдүү коомдук иш-чараларга демөөрчүлүк кылат.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7