Пассат климаты
Пассат климаты – пассаттардын таасиринде турган аймактарга мүнөздүү климат. Ага шамалдын бир багытта жана туруктуу согуп турушу, аз булуттуулук жана жаан-чачындын аз жаашы (тоолуу аймактардан башка) мүнөздүү. Жайкы айларда абанын орточо температурасы 20-27°С, кышында 10-15°Сге чейин төмөндөйт. Жылдык жаан-чачыны 500 мм. Пассат климаты өкүм сүргөн кургактыктагы аймактарда тропиктик чөл жана жарым чөл ландшафттары басымдуулук кылат.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9