Пемза

Пемза – кычкыл лаванын көөп, бат суушунан пайда болгон көзөнөкчөлүү, быдырлуу, көпшөк жеңил (сууга чөкпөгөн) айнектүү жанар тоо теги. Химиялык курамы (америкалык геолог Р. Дэли боюнча): Si0₂ 68-75%; ТIO₂; А1₂0₃ 11-14; Fe₂0₃ 08-2; FeO 0,5-15; СаО 0,2-2,5; Na₂0 2,5-5; К₂0 1,5-3;N₂0⁺ 1,5-3. Отко чыдамдуу. Пемзанын көпшөктүгү 80% ке чейин; тыгыздыгы 2000- 2300 кг/м³; катуулугу 5–6,5. Өңү ак, күрөң, сары. 1300–1450°С температурада эрийт. Пемза абразивдүү материал катары, ошондой эле химия өнөр-жайында жана жеңил бетон даярдоодо колдонулат.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9