Пирохлор

Пирохлор – минерал, NaCaNb₂0₆F. Кошунду элементтери Та, Ү, Tr, U, Th, Fe, Ti. Курамы туруктуу эмес. Ниобийди тантал толук алмаштырса микролит деп аталат. Куб системасында кристаллданат. Өңү түссүз, сары, буурулдан карага чейин. Катуулугу 5–5,5. Салыштырма салмагы 4,2–6,4. Көп учурда метамиктүү. Радиоактивдүү. Щелочтуу тоо тектерде, пегматиттерде, карбонатиттерде топтолот. Пирохлор ниобий, торий жана урандын кен таштары болуп саналат. 10го жакын тектеш түрү бар.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9