Плакат

Плакат (латынча placatum – күбөлүк) – көркөм графиканын кеңири тараган түрү, көркөм сүрөт искусствосунун эң массалык формаларынын бири. П-тын өзгөчө касиеттерине анын көчөлөрдө, коомдук жерлерде жана башка активдүү жана кеңири таасир берүүчү үгүттөө-түшүндүрүү максаттары менен багыттары кирет. Ушуга байланыштуу П. так формасы менен мазмуну кыска, салыштырмалуу түрдө өлчөмү­нүн чоңдугу (графикалык чыгармалар үчүн) менен айырмаланат. Плакаттын таасирдүүлүгү – анын тексти менен сүрөттөлүшүнүн органикалык биримдигинде. Графиканын ушул түрүнүн өзүнчө көркөм чыгармасы да П. деп (эреже катары, репродукция түрүндө) аталат. Адатта плакат офсет же литография техникасы менен басылат.

Колдонулган адабияттар

• Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004