Порту-Алегри
Порту-Алегри – Бразилиянын түштүгүндөгү шаар. Пату көл-лагунасындагы (Атлантика океанында) порт. Риу-Гранди-ду-Сул штатынын административдик жана өлкөнүн түштүгүнүн экономикалык ири борбору. Калкы 1,4 млн (2010; агломерациясы менен 4,1 млндон ашык). Эл аралык аэропорту бар. Тамак-аш, текстиль, нефть ажыратуу, металлургия, химиялык өнөр жай ишканалары иштейт. 1772-жылы Порту-дус-Касаие деген ат менен негизделген. Университет бар.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9