Порт-Саид
Порт-Саид – Египеттин түндүк-чыгышындагы порт шаар. Жер ортолук деңиздин жээгинде, Суэц каналынын кире беришинде жайгашкан. Порт-Саид мухафазасынын административдик борбору. Калкы 607 миң (2010). Деңиз порту. Соода-транспорт жана жүк сактоочу эл аралык борбор. Кеме куруу, текстиль жана тамак-аш өнөр жай ишканалары иштейт. Балык кармалат. Шаар 1859-жылы Суэц каналы курулганда пайда болгон. Деңиз курорту.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9