Порт-Харкорт
Порт-Харкорт – Нигериянын түштүгүндөгү шаар. Риверс штатынын административдик борбору. Калкы 2,1 млн (2010). Эл аралык аэропорту бар. Гвинея булуңунун жээгинде жайгашкан жүк өткөрүмдүүлүгү боюнча өлкөдөгү 2-порт (Лагостон кийинки). Пальма майы сыгылат. Тамеки, ун, цемент, битум чыгаруучу өнөр жай ишканалары иштейт. Нефть жана газ казып алуунун борбору. Нефть жана газ ажыратуучу заводу бар.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9