Прут

Прут – Украинадагы дарыя, Дунайдын сол куймасы. Бир аз бөлүгү Молдавия менен Румыниянын чек арасы жана Черновцы шаарына чейин терең өрөөн аркылуу агат. Узундугу 967 км, алабынын аянты 27,5 миң км². Чыгыш Карпат тоолорунан башталат. Орточо чыгымы 80 м³/сек. Жайында суусу кирип, күзүндөгү жаанчыл мезгилде ташкындайт, кышында да суусу мол болот (жылуулуктун таасиринен жана жамгырдын эсебинен). Январь – февралдан марттын башына чейин муз тоңот. Леово шаарынан баштап кеме жүрөт. Боюнда Яремча, Комолыя, Снятын, Новоселица, Унгены шаары бар.

Колдонулган адабияттар түзөтүү

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9