Радиатор

Радиатор (лат. radio - нур чыгарам) –

1) жылуулук техникада - жылыткыч системаларында колдонулуучу жылыткыч прибор. Радиатор жылуулук ташыгыч (суу же буу) айланып ага турган көңдөйү бар айрым секциядан же топ секциядан туруп, бир жана көп каналдуу болуп айырмаланат. Көбүнчө чоюн же болоттон даярдалат.

2) Ичинен күймө кыймылдаткычта - кыймылдаткычтын муздатуу системасындагы суюктуктун жылуулугун атмосферага чыгаруучу түзүлүш. Ал өзөктөн (муздаткыч бөлүгү), түтүктүү жогорку жана төмөнкү кутудан турат.

3) Радио электроникада - жылуулук бөлүп чыгаргыч (резистор, жарым өткөргүч приборлор ж. б.) элементтерди муздаткыч түзүлүш.

Радиатор андай элементтердин иштөө учурунда туруктуу температураны сактайт, айрыкча жарым өткөргүчтөрдүн иштөөсүнүн ишенимдүүлүгүн жана узактыгын жогорулатат. Конструкциясы боюнча кырлуу, ийнелүү ж. б. болуп айырмаланат.

Колдонулган адабияттар

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.