Радио толкундар
Радио толкундар – 510–5–1010 м толкун узундугундагы электр-магнит толкундары. 1888-жылы Г. Герц алгачкылардан болуп см менен ченелген электр-магниттик толкундарды тажрыйбада алган. 1895–99-жылдары A. С. Попов электрмагниттик термелүүнү биринчи жолу зымсыз аралык байланышына колдонгон. Жаратылышта жыштыктардын бардык диапазондоруна туура келген радио толкундардын булактары бар. Ар кандай ысытылган нерсе, жылдыздар, галактикалар, Күн, электр разряддары радио толкундардын булагы боло алат. Радио толкундар сөздөрдү, музыка (радио уктуруу), телеграф сигналдарын, сүрөттөлүштү (телекөрсөтүү) алыс аралыкка зымсыз берүүдө жана түрдүү объектилердин мейкиндиктеги абалын аныктоодо, заттардын түзүлүшүн, ионосфералык касиеттерин, анда жүрүп жаткан процесстерди изилдөөдө колдонулат. Космос объектилеринин радио нурлануусун окутуучу предмет радиоастрономия деп аталат. Радиометеорологиядагы процесстер кабыл алынган радио толкундардын мүнөзү боюнча изилденет.
Колдонулган адабияттар түзөтүү
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9