Раймон Арон
Раймон Арон (франц. Raymond Aron, 14 март 1905, Париж — 17 октябрь 1983, Париж) – француз социологу, философ жана публицист, «индустриалдык коом» теориясын негиздөөчүлөрүнүн жана түзүчүлөрүнүн бири.
_by_Erling_Mandelmann.jpg) | |
| Толук аты-жөнү | Раймон Арон |
|---|---|
| Англис тилинде | Raymond Aron |
| Төрөлгөн |
14.3.1905 Париж, Франция |
| Көз жумган |
17.10.1983 Париж, Франция |
| Доор | XX кылымдын философиясы |
| Аймак | Батыш философиясы |
| Олуттуу идеялары | постөндүрүштүк коом |
Өзүнүн философиялык-социалдык эмгектеринде ал салыштырмалуу-тарыхый анализге таянып, «социалдык индустриалаштырууну» же «технологиялык детерминизм» концепцияларын колдонуп, «индустриалдык коом» теориясын өнүктүргөн.
Экинчи дүйнөлүк согуштан кийин өнүккөн өлкөлөрдөгү өндүрүштөгү, керектөөдөгү олуттуу өзгөрүүлөрдү баалоо аркылуу Арон аларды өндүрүштү автоматташтыруунун, эмгектин өндүрүмдүүлүгүн жогорулатуунун, өндүрүлгөн продукциянын көлөмүнүн өсүшүнүн натыйжасында келип чыккан «жаңы өнөр-жайлык көңтөрүш» катары аныктоого аракет жасаган.
Кийинчерээк Арон өнүктүргөн «индустриалдык коом» теориясына дал келген окшоштук (аналог) катары «элдик капитализм», «гумандуу экономика», жалпы жыргалчылыктагы мамлекет түшүнүктөрү келип чыккан.
Колдонулган адабияттар
түзөтүү- Философия: энциклопедиялык окуу куралы/Мамлекеттик тил жана энциклопедия борбору.-Б.: 2004, ISBN 9967-14-020-8