Рега
Рега (өз аталышы варега, барега, лега) — банту эли. Алар Конго Демократиялык Республикасынын чыгышында, Киву көлү менен Луалаба дарыясынын ортосунда жашашат.
Саны 400 миң адам.
Алар компакттуу отурукташкан,
кыштактар көбүнчө жолдордун же дарыялардын боюнда жайгашкан.
Тил
Кирега тилинде сүйлөшөт. Кирега тили Банту тил үй-бүлөсүнө кирет.
Дин
Жергиликтүү салттуу ишенимдерди карманышат. Арасында христиандар да бар.
Чарбачылык
Негизги кесиби – кол менен иштетилген (кыю жана күйгүзү жол менен жерди бошотуу) жер чарбасы (жашылчалар, маниок, батат, банан, май пальмасы).
Ошондой эле балык улоо (дарыяларда) жана мергенчилик менен да алектенишет.
Кээ бирлери плантацияларда (сезон болгондо) жана өнөр жай ишканаларда иштешет.
Кол өнөрчүлүк
- себет өрүү
- килем токуу
- жыгач ою
- карападан буюмдарды жасоо
Тамак-аш
Негизги рационду айыл чарба азыктары түзөт. Алар чийки жана куурулган банандарды, маниок токочторду, ботколорду жана пальма майы жана ачуу татымалдар кошулган тамактарды жешет.
Социум
Уруулук бөлүнүүлөр сакталууда. Негизги социалдык бирдик – бул чоң үй-бүлө жааматы. Туугандык эсеп патрилинейлик, кээде матрилинейлик. Нике патрилокалдык.
Турак жай
Үй тик бурчтуу, дубалдары каркас, чатыры килемчелерден, пальма жалбырактарынан же самандан жасалган.
Салттуу киймдер
Салттуу кийимдер (чөптөрдөн токулган белдемчи же алжапкыч) колдонулбайт.
Булактар
түзөтүү- Андрианов В. Б. Рега // Народы и религии мира / Глав. ред. В.А. Тишков М.: Большая Российская Энциклопедия, 1999.