Рента келишими

Рента келишими – бир тарап (рента алуучу) экинчи тарапка (рента төлөөчү) мүлктү менчикке берүүгө, ал эми рента төлөөчү алган мүлкүнүн ордуна мезгил-мезгили менен рента алуучуга белгилүү акча каражаттарын төлөөгө, же башка түрдө аны кармоонун каражатын берип турууга милдеттенген келишим. Р. к. боюнча рента төлөө мөөнөтсүз (туруктуу рента) же рента алуучунун өмүрү өткөнгө (өмүр боюу рента) чейин белгиленишине жол берилет. Өмүр боюу белгиленген рента жаранды өмүр боюу кароо менен багуу шартында белгиленүүсү ыктымал (кара: Өмүр боюу каралашуу менен багуу келишими). Р. к. нотариалдык күбөлөндүрүүгө жатат, рента төлөө үчүн мүлктү ажыратуу мамлекеттик каттоодон өткөрүлүшү тийиш. Жер участогу, ишкана, туракжай жана башка кыймылсыз мүлктөр аны төлөөгө берилсе, рента алынат.

Колдонулган адабияттар

• Юридика аталгылары менен түшүнүктөрүнүн орусча-кыргызча түшүндүрмө сөздүгү. Илимий-маалымдама басылыш/АРД/Чекки долбоору, авторлор жамааты. – Б.: 2005, ISBN 9967-428-14-7