Ресифи
Ресифи, Пернамбуку – Бразилиянын түндүк-чыгышындагы шаар. Пернамбуку штатынын административдик борбору. Калкы 1,7 млн (2010; шаар айланасы менен 3,8 млн). Эл аралык аэропорту бар. Атлантика океанынын жээгиндеги портчо. Шаардын негизги чарба тармактары – соода, транспорт, логистика кызматы, туристтик бизнес жана саламаттыкты сактоо. Компьютердик ж. б. программаларды түзүүнүн өлкөдөгү ири борбору. Тамак-аш–татымал, текстиль, химиялык, цемент, машина куруу өнөр жай ишканалары иштейт. Филология академиясы, университет, музейлер бар. 19-кылымдын архитектура эстеликтери сакталган. Туризмдин борбору.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9