Рица

Рица, Чоң Рица – Абхазиядагы тоо көлү. Гагра кырка тоосунун чыгышында, 950 м бийиктикте жайгашкан. Аянты 1,49 км². Тереңдиги 116 мге чейин. Чанагы мөңгүнүн аракетинен жана тектоникалык кыймылдан пайда болгон. Юпшара дарыясы (Бзыбь дарыясынын алабы) агып чыгат. Жанында Кичи Рица көлү (аянты 0,2 км²) жайгашкан. Рица коругунун курамына кирет. Туризм жана эс алуу аймагы. Кавказдын Кара деңиз боюндагы курорттору менен автомобиль жолу аркылуу байланышат.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9