Рояль

Рояль (фр. royal – король, королдук) – кылдуу урма-клавишалуу музыкалык аспап. Фортепьяно түрү. Роялдын кылы, декасы (тээги) жана механикасы горизонталь абалда жайгашкан. Роялдын тулкусу канат түспөлүндө. Роялдар клавиатурасынын өлчөмү жана добуш көлөмү менен айырмаланып, «миньон» же кабинеттик (7 октава) жана концерттик (8 октава) болуп бөлүнөт.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9