Таймыр көлү

Таймыр көлү — Краснояр крайынын түндүгүндө, Таймыр жарым аралындагы Бырранга тоолорунда. Аянты 4,6 миң км². Тереңдиги 26 мге чейин. Жээги булуң-буйткалуу; түндүгү менен чыгыш жээги тик, түштүгү жантайыңкы. Тамыр көлү жер шарынын эң түндүгүндөгү ири көл. Көлгө Жогорку Таймыр дарыясы куюп, андан Төмөнкү Таймыр дарыясы агып чыгат. Сентябрдан июль айына чейин муз каптап турат. Акваториясын балыктардын арктикалык түрлөрү (сиг, муксун, голец ж.б) байырлап, аралдарында келгин куштар (дудук каздар, каздар) уялашат.

Колдонулган адабияттар түзөтүү

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9