Тамыр буттуулар
Тамыр буттуулар (лат. Rhizopoda) – саркодиялар типчесиндеги жөнөкөйлөрдүн чоң классы. Дене чоңдугу бир нече мкмдан 3 ммге (кээ бир фораминифералардыкы 2–3 смдей) жетет. Кээ бир түрлөрү азыгын кармоочу жана кыймылдоочу органеллалары – псевдоподиялары менен катар убактылуу шапалакчаларды пайда кылат. Көпчүлүк тамыр буттууларда (раковиналуу амёбалар, фораминифералар) раковина түрүндөгү сырткы скелети болот. Экиге бөлүнүү жолу менен көбөйөт, кээ бир фораминфераларда жыныс процесси бар. Тамыр буттуулардын 8 классы (анын ичинде амёбалар жана фораминифералар) деңизде жана тузсуз сууларда, сфагн мамык чөбүндө жана топуракта кеңири таралган, мите түрлөрү да бар.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9