Тарих-и Кашгар

Тарих-и Кашгар, «Кашкар тарыхы» –17-кылымдын аягында чагатай тилинде жазылган тарыхый чыгарма. Чыгыш Түркстан, Орто Азия чөлкөмдөрү боюнча маанилүү тарыхый булактардын бири. Автору белгисиз. Чыгармада кыргыздар менен казактардын 17-кылымдын 1-жарымында борбордук бийликке каршы күрөшү, 17-кылымдын башында Борбордук Теңир-Тоодон, Ферганадан, Чыгыш Түркстандын түндүк-чыгышынан кыргыз урууларынын Моголстанга келип кошулуусу тууралуу маалыматтар бар. Ошондой эле кыргыз бектеринин актоолук ходистер менен бирдикте (17-кылымдын 2-жарымы) Жаркен ордосуна каршы Кашкар жаатынын башкы күчүнө айланышы да кеңири баяндалат.

Колдонулган адабият

Кыргыз Тарыхы. Энциклопедия. Мамалекеттик тил жана энциклопедия борбору. Бишкек, 2003. И. Арабаев атындагы Кыргыз мамлекеттик педагогикалык университети.