Ташкын

Ташкын – дарыя, көл же деңиз суусунун деңгээлинен ашып-ташып, күкүктөшү (ташкындашы). Мисалы, дарыяларда ташкын анын алабындагы кардын же мөңгүнүн эришинен, нөшөрдөн, үйөрдөн пайда болот. Ошондой эле деңиздерде шамалдын сууну айдап киришинен, жээктеринде жана аралдарда жер титирөөнүн, же океандарда жанар тоонун атылуусунун натыйжасында пайда болгон толкундун жээк тилкесин капташы келип чыгат. Ири ташкындар Батыш Европанын (Дунай, Сена, Рона, По ж. б.), Кытайдын (Янцзы, Хуанхэ), АКШнын (Миссисипи, Огайо) дарыяларында болот.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9