Темир комузчулар ансамбли

Темир комузчулар ансамбли – Т. Сатылганов атындагы Кыргыз мамлекеттик филармониясынын темир комуз күүлөрүн аткаруучу чакан музыкалык коллектив. Алгач (1939) А. Байбатыров, кийин (1951) Т. Тыныбеков уюштурган. Темир комузчулар ансамбли жаштардын республикалык, бүткүл союздук жана бүткүл дүйнөлүк (алтынчы) фестивалдарына катышкан. Ансамблдин репертуарында А. Байбатыровдун, Т. Тыныбековдун күүлөрү («Тагылдыр тоо», «Короо четинде», «Пахтам» ж. б.) болгон. Учурда Н. Нышанов жетектеген чакан Темир комузчулар ансамбли бар.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9