Терек, Түндүк Кавказ

Терек, Түндүк Кавказ, Терк-Суу, Терги (карачай-балкар тилинен, сөзмө-сөз – шар суу) – Түндүк Кавказдагы дарыя. Узундугу 623 км, алабынын аянты 43,2 миң км². Башкы же суу бөлгүч кырка тоосунан башталып, төмөн жагында Каптал (Дарьял капчыгайында), Аскалуу кырка тоолорун жана Кара тоону кесип өтөт. Тоодон чыккандан кийин салааларга бөлүнөт. Каспий деңизинин Аграхан булуңуна дельта (аянты 4 миң км²дей) түзүп куят.

Терек
Терек (Грузия)
Мүнөздөмө
Узундугу	623 км
бассейндин аянты	43 200 км²
Жайгашкан орду
Өлкө	Калып:Өлкө желеги/Грузия, Орусия
ОМСР	07020000212108200002513

Терек.

Ири куймалары: сол – Ардон, Урух, Малка (Максан менен бирге); оң – Сунжа. Орточо чыгымы Моздок шаары тушта 300 м³/сек. Жылына 9-26 млн т шиленди агызып келет. Төмөн жагы балыкка (жилингир, сазан ж. б.) бай. Сугатка кеңири пайдаланылат (Терек-Кума каналы ж. б.). Теректе 2 ГЭС курулган; боюнда Оржоникидзе, Моздок, Кизляр шаары бар. Жогору жагында Терек өрөөнү менен Аскер-Грузин жолу өтөт.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9