Терек суусу, Кара-Кулжа району

Бул түшүнүктүн башка маанилерин караңыз: Терек-Суу.

Терек суусу, Кара-Кулжа району – Кара-Кулжа районун аймагындагы суу. Tap суусунун оң курамы. Фергана тоо тизмегинин түштүк-батыш капталынан башталат. Узундугу 50 км, алабынын аянты 378 км². Теректин 40тан ашык куймасы бар; ирилери: Төө-Жайлоо, Буура ж. б. Алабында аянты 23,2 км²ге жеткен 53 мөңгү бар. Жайында кирип, күздө тартылган Тенир-Тоо дарыяларынын тобуна кирет. Кар жана мөңгү сууларынан куралат. Алабынын орточо бийиктиги 3800 м. Жылдык орточо чыгымы 4,5 м³/сек, модулу 11,9 л/сек км². Эн мол агымы жайдын 1-жарымына туура келет. Өрөөнү жайыт.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9