Терек суусу (Ак-Талаа району)

Бул түшүнүктүн башка маанилерин караңыз: Терек-Суу.

Терек суусу, Ак-Талаа району – Ички Теңир-Тоодогу суу, Нарындын сол куймасы. Ак-Талаа районун аймагында. Жаман-Тоонун түндүк капталынан агып түшөт. Узундугу 67 км, алабынын аянты 826 км². Теректин 27 куймасы бар. Кар жана жаан-чачын сууларынан куралат. Кээде кышында соолуп да калат. Алтай дарыяларынын тобуна кирет. Жылдык орточо чыгымы 0,8 м³/сек, модулу 1 л/сек км². Чыгымы көп жылдар боюнча жана жыл ичинде да кескин өзгөрүүлөргө дуушар болуп турат. Боюнда Терек, Баетов, Үгүт кыштагы жайгашкан.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9