Технология жана инновация тармагындагы улуттук медал

Технология жана инновация тармагындагы улуттук медал (англ. National Medal of Technology and Innovation; мурунку Улуттук технология медалы) - жаңы жана маанилүү технологиянын өнүгүшүнө олуттуу салым кошкон америкалык ойлоп табуучуларга жана инноваторлорго АКШнын президенти тарабынан берилген сыйлык. Сыйлык белгилүү бир адамга, адамдардын тобуна же бүтүндөй уюмга же болбосо корпорацияга берилиши мүмкүн. Бул Америка Кошмо Штаттарындагы технологиялык прогресс менен байланышкан жетишкендиктер үчүн Американын жаранына ыйгарылган эң жогорку сыймык болуп саналат.

Сыйлык берүү тартиби

АКШнын соода министрлигинин алдындагы Технология башкармалыгы жыл сайын Улуттук технология медалы үчүн жаңы талапкерлерди көрсөтүү боюнча кулактандыруу жарыялайт. Талапкерлердин жетишкендиктери тууралуу түздөн-түз, биринчи булактардан маалымат ала алган кесиптештери аларды сыйлыкка көрсөтүшөт. Талапкерлер жеке адамдар, адамдардын тобу (4кө чейин), уюмдар же болбосо ишканалар болушу мүмкүн. Жеке адамдар, топтун бардык мүчөлөрү АКШнын жарандары жана уюмдары болушу зарыл. Ал эми корпорациялар АКШнын ээлигинде болушу кажет (башкача айтканда, өз каражаттарын же үлүштөрүнүн 50% учурда америкалык жарандарга таандык болууга тийиш).

Бардык номинациялар Улуттук технология сыйлыгынын баалоо комитетине багытталып, ошол жерден АКШнын соода министрине сунуштамалар жөнөтүлөт. Бардык номинанттар финалист катары тандалып алынып, Федералдык чалгындоо бюросунун коопсуздук текшерүүсүнө алынат. Коопсуздук текшерүүсү аркылуу алынган маалыматтар жеңүүчүлөр боюнча акыркы чечим кабыл алууда каралышы мүмкүн. Соода министри АКШнын президентине кайсы талапкерлер Улуттук технология медалын алышы керек экени боюнча кеңеш бере алат. Улуттук технология медалынын жаңы лауреаттары акыркы чечим кабыл алынаары менен АКШнын президенти тарабынан жарыя кылынат.