Тибр

Тибр – Апеннин жарым аралындагы эң чоң дарыя. Италияда. Узундугу 405 км, алабынын аянты 16,5 миң км². Апеннин тоолорунан башталып, Маррема түздүгүнөн агып өтөт да Тиррен деңизине куярда дельта пайда кылат. Жамгыр сууларынан куралат. Орточо чыгымы 260 м³/сек, кышында кирет, кээде ташкындайт. Негизинен сугатка пайдаланылат, төмөнкү агымында кеме жүрөт. Чыгыш жээгинде Рим шаары орун алган. Тибрдин алабында ГЭСтер жана байыркы замандан сакталып калган көпүрөлөрү (Фабриций, Ыйык Периште ж. б.) бар. Табигый «Тибр дарыясы» паркы уюштурулган. Экологиялык туризм өнүккөн.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9