Тиролит

Тиролит (Тироль облусунун атынан, Австрия) – минерал, кальций менен жездин суулуу, гидроксилдүү арсенат-карбонаты Ca₂Cu₂(As₄)₄(C0₃)^- •(ОН)₈’11Н₂0. Кошундулары: Ы, О. Өнү: жашыл, жашгылт көк, көк. Тунук, айнектей жылтырайт. Тыгыздыгы 3-3,2 г/см³, катуулугу 2, бычак менен оңой кесилет, морт. Кислотада жана аммиакта эрийт. Тиролит – жез кенинин кычкылдануусу учурунда гипергенез зонасында 2-ирет пайда болгон минерал. Ал халькофиллит, азурит, болшантит, малахит ж. б. менен кездешет. Ири агрегаттары АКШда, Австрияда, Германияда жана Словакияда табылган. Кыргызстанда Айдаркен сымап кенинде кездешет.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9