Тони Блэр
Энтони Чарлз Линтон Блэр (6.5.1953ж. туулган, Шотландия, Эдинбург) - мамлекеттик ишмер. Улуу Британиянын премьер-министри (1997жылдан). 1975-ж. Оксфорд университетин бүтүрүп, ошол эле жерде укуктан сабак берген. 1976-жылдан адвокаттык кесипте эмгектенген. 1983-ж. англис парламентинин общиналар палатасына депутат болуп шайланып, палатадагы лейбористтердин финансы жана шаар курулуш маселелери боюнча өкүлү болгон. 1988-жылдан лейбористтик партиянын Улуттук аткаруу комитетинин мүчөсү, 1994-ж. партиянын лидери болуп шайланган. 1997-ж. парламенттик шайлоодо лейбористтер женишке жетишип, Блэр премьер-министр болуп дайындалган. 2005-ж. парламенттик шайлоо кайрадан лейбористтердин жениши менен аяктап, Блэр премьер-министрлик кызматында калтырылган. Ольстер маселесин жөнгө салуудагы салымы үчүн Блэрге эл аралык Улуу Карл сыйлыгы ыйгарылган (1999).
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4