Топурак географиясы
Топурак географиясы - топурак таануу илиминин жер бетине топурактын жайгашуу мыйзам ченемин изилдөөчү бөлүгү.
Жалпы жана региондук болуп бөлүнөт. Жалпы Топурак географиясы топурак жаралуу себептерин, географиялык жайгашуусунун жалпы мыйзамдарын, топурак катмарынын структура типтерин изилдейт. Региондук Топурак географиясы топуракты райондоштуруу маселесин жана айрым район же региондук топурак катмарын сүрөттөйт. Топурак географиясынын негизги методу - топурак пайда болуу факторлоруна байланыштуу топурактын географиялык жайгашуусун изилдеген салыштырма географиялык метод. Ошондой эле топурак картасын түзүү максатында картография кеңири колдонулат.
Колдонулган адабияттар
түзөтүү- Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Т. 6. Тоо климаты - Яшма. -656 б.