Улар

Улар (лат. Tetraogallus) - куштардын кыргоолдор тукумундагы уруусу.

Узундугу 60 сантиметрге, салмагы 3 килого жетет. Денеси чымыр, буттары күчтүү. Эркегинин текөөрү бар. Канаттары кыска, жазы, куйругу чолок. Боз түстө, кара тактары бар, капталы жана мойнунда кызгылт-күрөң чийиндери болот. Моногамдар, уясын токойдо жерге салып, 5-9 жумурткасын 1 айча басат. Өсүмдүк бүчүрү, гүлү, уругу, курт-кумурска менен азыктанат. Улардын 5 түрү Кавказ, Түштүк Сибирь, Азиянын тоолорунда кезигет. Кара боор Улардын 1 түрчөсү Кыргызстандын тоолорунда учурайт. Эти үчүн анчылык жасалат.

Түрү

Tetraogallus caucasicus (Pallas, 1811)
Tetraogallus caspius (S.G. Gmelin, 1784)
Tetraogallus himalayensis G.R. Gray, 1843
Tetraogallus tibetanus Gould, 1854
Tetraogallus altaicus (Gebler, 1836)

Колдонулган адабияттар

«Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4