Учсуз анемона

Учсуз анемона (лат. Anemone obtusiloba, D. Don.) - Бийиктиги 15 см ге чейин жеткен, көп жылдык, түкчөлүү өсүмдүк. Тамыр сабагынын үстүңкү бөлүгүн жалбырак сабынын түктүү калдыктары жаап турат. Жан тамыр жалбырактары түрпөчөдөй келбетте келип, тыкыс, түп жагына чейин үч ирет тилкелүү, жазы тескери- жумурткадай сегменттүү жана бүтүн кырдуу же 3 ири бодуракай жалбырак тишчелүү. Гүлдөрүнүн диаметри 1,5 см ге чейин жетет, ичинен агыш, сыртынан киргилт-сыя-көк, мөмөчөсү түксүз өсүндүлүү.

Биологиялык өзгөчөлүктөрү

Июлң айында гүлдөйт.

Жалпы жана өлкөдө таралышы

Орто Азия, Кытай, Индия. Кыргызстанда Борбодук Тянңшанң, Тескей Алатоо, Сарыжаз дарыясынын бассейни.

Өсүү шарттары

Таштуу, аска-зоолуу бийик тоолордун беттеринде кездешет.

Саны

Жаратылыштагы саны аныкталган эмес.

Чектөөчү факторлор

Адамдын чарбачылык иш-аракеттери, чексиз мал жаюу.

Өстүрүү

Маалымат жок.

Уюштурулган коргоо аракеттери

Кыргыз ССРинин Кызыл китебинде (1985) катталган.

Коргоо үчүн зарыл аракеттер

Ареалын жана жаратылыштагы сан өлчөмүн аныктап, түр кеңири тараган аймактарда ботаникалык заказник уюштуруу. Ботаникалык бактарда атайлап өстүрүү аракеттерин жасоо зарыл.

Статусу

VU. Эң четки батыш ареалы Кыргызстандын Борбордук Тянңшанында жайгашкан.

Колдонулган адабияттар

• Кыргыз Республикасынын Кызыл китеби 2-басылышы – Бишкек: 2006. – 544 б. – ISBN 9967-23-367-2