Фернандо Эррасурис
Фернандо де Эррасурис и Мартинес де Алдунате (исп. Fernando de Errázuriz y Martínez de Aldunate; 1-июнь 1777-жыл, Сантьяго-де-Чили — 16-август 1841-жыл, Сантьяго-де-Чили) — Чилинин саясий жана мамлекеттик ишмери. Чилинин убактылуу президенти (31-март — 18-сентябрь 1831-жыл). Чилинин сенатору, конгрессмен, Чили сенатынын төрагасы, биринчи өкмөттүк Хунтанын мүчөсү (1810), вице-президент.[1]
| Фернандо Эррасурис исп. Fernando Errázuriz | ||||
.jpg) | ||||
| ||||
|---|---|---|---|---|
| 8-март — 18-сентябрь 1831 | ||||
| Андан мурунку: | Хосе Томас Овалле | |||
| Андан кийинки: | Хосе Хоакин Прието | |||
| Туулган жылы: | 1777 жыл | |||
| Туулган жери: | Сантьяго, Чили | |||
| Каза болгон жылы: | 1841 жыл | |||
| Каза болгон жери: | Сантьяго, Чили | |||
| Атасы: | Франциско Хавьер де Эрразуриз Мадарига | |||
| Апасы: | Мария Роза Алдунате и Герреро Каррера | |||
| Жубайы: | Мария дел Кармен Сотомайор Эльзо | |||
| Балдары: | Франсиско Хавьер Эрразуриз Сотомайор жана Фернандо Эрразурис Сотомайор | |||
Өмүр баяны
түзөтүүСан-Фелипе королдук университетинин ректорунун уулу. 1793-жылга чейин Сан-Фелипе университетинде теологияны окуган. Кийинчерээк Королдук аудиторияда ийгиликтүү стажировкадан өткөндөн кийин, ал юрист болгон.
1810-жылы Биринчи өкмөттүк хунтаны түзүүгө катышкан. 1811-жылы ал биринчи Чилинин улуттук конгрессине Ранкагуа провинциясынан шайланган. Чилинин көз каранды эместиги үчүн күрөштүн мүчөсү. Чилинин көз карандысыздык согушу учурунда Эрразуриз Ранкагуа согушунан кийин испаниялыктар тарабынан колго түшүрүлгөн. 1817-жылы Чакабукодогу салгылашууда чилилик патриоттордун жеңиштен кийин гана ал кайрадан эркиндикке ээ болгон. 1822-жылдан 1823-жылга чейин өкүлдөр палатасында өз округунун өкүлү болгон.
1823-жылы Чилинин жогорку директору Бернардо О'Хиггинс кулатылгандан кийин Эрразурис башкаруучу хунтанын мүчөсү болуп шайланган. Кийинчерээк ал Сантьяго шаарынан сенатор болуп иштеген, 1824-жылдан Чили Сенатынын президенти, ошондой эле Сантьяго провинциясынын парламентинин төрагасы болгон.