Чатырташ тоосуАлай кырка тоосунун түн. тармагы. Кишемиш (Исфаранын куймасы) ж-а Аксуу (Сохтун куймасы) сууларынын аралыгында батыштан түн.-чыгышты карай 22 кмге созулуп жатат.

Туурасы 5–6 км. Орт. бийикт. 3000–3400 м, эң бийик жери 4261 м (Алтынбешик чокусу). Кыры аска-зоокалуу, капталдары тик, кыска, терең капчыгайлуу. Карбон ж-а девон мезгилдеринде пайда болгон кумдук, алевролит, конгломерат, аргиллит ж-а доломит тектеринен турат. Көмүр кендери кездешет. Шалбаалуу талаа (2600–3000 м бийиктикке чейин), айрым жерлерде шалбаа (2600–2800 м) ж-а шалбаалуу арча (3000–3200 м), субальп ж-а альп шалбаалуу-талаалары, суук чөлдүү тоо тундрасы мүнөздүү.

Колдонулган адабияттарОңдоо

  • Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2