Чоң Кайыңды — Кыргыз Ала-Тоосунун түндүк капталынан башталган суу. Чүй дарыясынын сол куймасы. Космонавттар (аянты 2,9 км2) жана Туюктөр (3,0 км2) мөңгүлөрүнөн башталат. Узундугу 30 км, алабынын аянты 167 км2. Көп жылдык орточо чыгымы (аты уйкаш капчыгайдын оозунда) 1,8 м3/сек, эң көп чыгымы 24,6 м3/сек (1945), эң азы 0,26 м3/сек (1938).

Чоң Кайыңды
Мүнөздөмө
Узундугу 30 км
бассейндин аянты 167 км²
Жайгашкан орду
Өлкө Flag of Kyrgyzstan.svg Кыргызстан

Чүй дарыясына жетпей сугат каналдарына бөлүнүп кетет.

Жээгинде Капталарык, Кайыңды кыштагы жайгашкан.

Колдонулган адабияттарОңдоо

  • Мамлекеттик тил жана энциклопедия борбору. Кыргызстандын географиясы ISBN 9967-14-006-2