Шайдуллаева Топчугүл

Шайдуллаева Топчугүл Жолдошевна - жазуучу, публицист, илимпоз.

Баткен районунун Кара-Булак айылында 1960-жылы 24-январда туулган. 1977-жылы Кара-Булак орто мектебин, 1982-жылы Кыргыз мамлекеттик университетинин журналистика бөлүмүн бүтүргөн.

Эмгек жолун ошол эле университеттин социологиялык лабораториясынын кызматкери болуп иштөөдөн баштаган.

1985–1989-жж. Кыргыз мамлекеттик университетинин алдындагы аспирантурада окуган.

1990–1992-жж. Кыргыз мамлекеттик кыз-келиндер педагогикалык институтунда окутуучу болуп эмгектенген.

1992-жылы социология илимдеринин кандидаты.

1992–1993-жж. Кыргыз мамлекеттик университетинин философия кафедрасынын окутуучусу

1993–2003-жж. Бишкек гуманитардык университетинин социология кафедрасынын доценти, кафедра башчысы.

2003–2004-жж. Кыргыз Республикасынын Омбудсменинин (Акыйкатчысынын) аппаратында маалыматтык-басма бөлүмүнүн башчысы.

2004-жылдын октябрь айынан “Агропресс” республикалык айыл чарба басылмасынын башкы редактору, “Агроиздательство” коомдук фондунун директору.

2000-жылдан Кыргыз Республикасынын Жазуучулар союзунун мүчөсү.

2007-жылдан Борбор Азия ПЕН-клубунун вице-президенти.

Сыйлыктары

2000-ж. “Акыркы раис” аңгемеси Кыргыз Республикасынын Өкмөтү тарабынан уюштурулган “Элет тагдыры – эл тагдыры” сынагынын байгесине татыган.

2000-ж. – “Жан шерик” аңгемелер жыйнагына Кыргыз Республикасынын Жазуучулар союзунун “2000-жылдын эң мыкты китеби” диплому ыйгарылган.

2006-ж. Кыргыз Республикасынын Ардак грамотасы менен сыйланган.

2018-ж. – Кыргыз Республикасынын Маданиятына эмгек сиңирген ишмери.

2017-ж. – Түрксой уюмунун “Баласагын”медалы менен да сыйланган.

2021-ж. – Улуттук "Алтын калем" сыйлыгынын ээси.

2022-ж. – “Балакана” китеби "2022-жылдын Мыкты китеби" дипломун алган.

“Кайдасыңар кадырлуу агайлар!?”, “Жакырчылык жана гендер маселеси”, “Шелекке барып, челекке түшкөн кыргыздар” ж.б. макалалары эл аралык уюмдардын сынактарынын байгелерине татыган.

Жарык көргөн китептери

Кыргыз тилинде

• Кызбала: Илимий-публицистикалык чыгармалар. – Б.: Сабыр, 1999. – 64 б.
• Жан шерик: Аңгемелер. – Б.: Сабыр, 2000. – 72 б.
• Кыргызстандагы гендердик өнүгүү: Илимий-популярдуу макала. – Б.: Бийиктик, 2005. – 112 б.
• Ташка чыккан гүл: Публицистикалык макалалар. – Б.: Бийиктик, 2006. – 284 б.
• Акылкасас: Аңгемелер жыйнагы. – Б.: Бийиктик, 2008. – 176 б.

Айрым аңгемелери орус, англис, казак, азербайжан, фин тилдерине которулуп, жарык көргөн.

Маданиятта

• “Азапка салган айыз”, “Келин таш” аңгемелеринин негизинде кыска метраждуу көркөм фильмдер тартылган.

Колдонулган адабият

• Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6