Шпур
Шпур - бургулоодон пайда болгон цилиндр түспөлдүү тоо-кен казмасы.
Анын диаметри 75 ммге чейин жетет. Тереңдигине жараша - тайыз (тереңдиги 1,5 мге чейин), орто (1,5-2,5 м) жана терең (2,5-5 м); багытына карай - горизонталь, тик жана жантык Шпур деп бөлүнөт. Шахтада жана карьерде тоо тектерди, кенди жардырууда Шпурга жардыргыч заттарды жайгаштырылат. Башка тоо-кен казмаларынын капталдарын, үстүн бекемдегичтерди орнотууда, тоо тек массаларын кургатууда, гидротехн. жана жол курулушунда ж. б. максаттар үчүн да даярдалат.
Колдонулган адабияттар
түзөтүү- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4